العمل الحر شرح مفصل وكيفية البدء من الصفر الى الاحتراف | تجميعة

بسم الله الرحمن الرحيم

اليوم نقدم لكم افضل مقالة عن العمل الحر

اولا الفهرس

المقالة الاولى

المقالة الثانية

المقالة الثالثة

المقالة الرابعة

المقالة الخامسة

المقالة السادسة

---

1

تخيل معايا كده انك بتشتغل الحاجة اللى انت بتحبها .. و مش مطلوب منك شهادة تخرج و لا 5 سنين خبرة و لا سن معين عشان تثبت انك جدير بالشغل دة .. و انك ليك الحرية الكاملة فى اختيار الوقت اللى حابب تشتغل فية ! ومش مطالب انك تصحي فى وقت معين او تروح فى وقت معين .. لأ و اية كمان  انت اللي هتحدد اجازاتك و مرتبك $$ .. و ترقي نفسك وقت ما تحب ^_^

ممكن تبطل تخيُل لأن اللى فات ده كله واقع اسمه الـ ” Freelance ” او ” العمل الحر ” احنا يدوب حاولنا نشرحلك مميزاته بشكل مبسط .. كل المطلوب منك تركز جداً .. لان طبيعي الكلام اللى فات ده يغري اى حد !! .. لكن للآسف الاغراء دة بيتحول لاحباط و تجربة فاشلة بعد وقت قصير نتيجة لان فى حاجات كتير بتفضل مبهمة بالنسبة ليك .. تحديات كتير مبتبقاش مستعد ليها ..

عشان كدة سلسلة المقالات دي هتبدا معاك من اول الطريق و تكمل المشوار معاك لحد ما تبقي واحد من ناس كتير هنستعرض معاك قصص نجاحهم .. و اللى ممكن تعتبرني واحد منهم بدخل 4200$ ( 30.000 الف جنية ) خلال شهور معدودة .. #مستعد ؟ 

1- أمسك ورقة و قلم

اتكلمنا عن مميزات ال Freelancing .. لكن مشرحناش بالتفصيل اية هو ال Freelancing و ال Freelancer ممكن يعمل اية ؟

ال Freelancing زي ما قولنا هو العمل الحر .. يعنى = حضرتك كـ فرد بتقدم خدمات لـ أفراد و شركات فى اى مكان فى العالم و انت قاعد فى مكانك .. المهم انك تكون متقن الخدمة دي و حط تحت كلمة متقن 100 خط عشان هنرجعلها ..

دة معناه انك هتقدم خدماتك Online .. بمعني انك مش هتحتاج ك”بائع” تقابل ” المشتري” بشكل مباشر .. طيب دي ميزة و لا عيب ؟

طبعاً ميزة ^_^ 

أ – لانك مبقتش مقيد بحدود المكان زي الشركات الصغيرة “محافظة واحدة او بلد بالكتير” .. يعني = السوق اللى بتعرض فية منتجاتك “230 دولة”  = عملاء اكتر و بالتالي دخل $$ اكبر

ب- على عكس توقعك دة هيتيح لك فرص اكتر فى المجال اللى انت حابب تشتغل فية ك Freelancing مقابل انك تكون موظف فى شركة بلقب وظيفي معين ..

مثال بسيط .. لو شغفك الكتابة و دي الخدمة اللى انت ممكن تقدمها بأتقان .. فأنت ممكن تكتب ( كتب .. روايات .. قصص .. مقالات .. رسائل ترويجية .. بيانات صحفية ) او تقدم ( تصحيح لغوي .. أعادة صياغة .. مراجعة و تدقيق ) او تشتغل فى ( التلخيص .. الترجمة ) دة اللى جة ف بالي على سبيل المثال مش الحصر ل مجال واحد بس ! المهم انه يكون عندك خبرة و اتقان لكل نقطة هتشتغل فيها .

الموضوع مش مقتصر ع الكتابة .. زي ما قولنا اى خدمة ممكن تقدمها و متكنش محتاج ك”بائع” انك تقابل ” المشتري” بشكل مباشر .. بمعني انك تقدمها لية Online

طيب تعالا نفكر سوا فى حاجات تانية أكيد انت عندك شغف و حابب تشتغل فى واحد منهم : 

1- البرمجة : أياً كانت اللغة هتستخدمها اية او التطبيق اللى هتبرمجة ل android او website او Desktop

2- التصميم : سواء هتستخدم الفوتوشوب او الآليسترتور .. ثري دي ماكس ..او غيرهم من برامج ال Graphic Design

3- التصوير | Photography

4- التفريغ الصوتي : لو حضرتك مستمع كويس و تقدر تحول من صوت ل نص

5- ال Voiceover : فى حالة انك عندك نبرة صوت كويسة و ممكن تحول نص لمقطع بصوتك ..

6- تقدم كورسات تعليمية لاي حاجة انت متقنها

7- Video Production : تصمم و تعمل مونتاج ل فيديوهات

8- تجهز ابحاث علمية

9- تشتغل فى ال Marketing و ال Social Media

10- Data Entry ادخال بيانات على الوورد و الآكسيل

و بالتأكيد تحت كل عنوان من دول .. تخصصات فرعية كتير زي ما شرحنا فى مثال : الكتابة ..

المطلوب دلوقتى : انك تبدأ تكتب فى الورقة اللى معاك الخدمات اللى انت مستعد تقدمها بناءً على الاقتراحات اللى فوق ..

بعد كده أبدأ فكر فى خدمات تانية و متربطش نفسك بأي اقتراح من عندنا .. المهم انها تكون خدمة سهل تقديمها Online

دلوقتى هنرجع للكمة اللى حطينا تحتها 100 خط ” المهم انك تكون متقن الخدمة دي ” .. لية ؟

لان دة السر الاول اللى هيساعدك كـ Freelancer انك تكمل المشوار و تحقق دخل أكبر $$$ ..

الاتقان دة اللى هيكسبك ثقة عملائك .. و بالتالي هيرجعوا يطلبوا خدماتك تاني << منها نوصل لمرحلة انك تحقق سمعة و شهرة ..

2- الموضوع ماشي ازاي

لو حاولت تتخيل الجزء اللي فات فالموضوع اشبة بـ "مشروع" .. العميل X" " محتاج Freelancer يصمم Logo لشركتة ب 200$ .. و فى 50 Freelancer بالاضافة ليك مستعدين ينفذوا الخدمة دي .. و بالتأكيد هو هيختار واحد بس " الافضل فيكم "

دة النموذج الاول اللى ممكن تشتغل بية على منصات كتير زي " Odesk Freelance .. .. Elance " و متوسط العروض بتبقي من 25 $ ل 1000 $ حسب الخدمة .

لكن !! للآسف كمبتدىء " لسه محققتش سمعة و شهرة " و بقيت " الافضل " الموضوع هيبقي بالنسبة ليك عقبة .. ناهيك عن ان لغة التواصل هتكون ال English و اللى قد تكون عقبة تانية للبعض ...  #هنحلها_لا_تقلق

هنقف هنا خلاص !!! أكيد لأ

فى نموذج تاني للشغل ك Freelancer .. " الخدمات المصغرة "

بمعني انك بتعرض قدرتك و مهاراتك لتنفيذ مشاريع "اصغر" ..

كـ مثال : أحصل على تصميمLogo لشركتك فقط 5$

و بيبدأ اللى محتاج Logo هو اللى يدور على مصمم و يختارك بشكل مباشر عشان تنفذلة الخدمة .. على عكس النموذج الاول "العميل" بيعرض المشروع و انت و باقي ال Freelancers بتدخلوا تعرضوا علية قدراتكم و الاختيار بيكون للافضل بينكم "

و تيجي هنا ميزة الخدمات المصغرة .. انك تبني خبرة و تكتسب سمعة و شهرة تأهلك انك تقدم فى عروض على مواقع الخدمات

مواقع الخدمات المصغرة .. سعر الخدمة فيها بيتراوح من 5 $ ل 25$ .. طبعاً حجم الخدمة و مدة تنفيذها بيبقي اقل و ابسط من الخدمات اللى فى النموذج الأول

الميزة الاكبر ان فى منصة عربية اسمها " خمسات " .. يعني ال English مش هيبقي عقبة بالنسبة ليك

http://khamsat.com/

ووسط أكتر من 300.000 مشترك .. هتقدر تبيع خدماتك و تحقق دخل $$ فى المقام الاول ” انا شخصياً حققت علية 4200 دولار = 30.000 جنية .. زي ما حكيتلك فى بداية المقالة ” ..

و تبني علية سمعة و شهرة تأهلك انك ” ترقي نفسك بنفسك  .. و تبدأ تشتغل كمان بـ النموذج الأول على منصات “”elance هنتكلم اكتر عنها فى باقي مقالات السلسلة

دلوقتى عشان تبدأ :

1- هتشترك فى موقع خمسات .. الموضوع مش محتاج شرح و مش هياخد منك دقايق

www.khamsat.com/register

2- دلوقتى تقدر تضيف خدماتك اللى ممكن تقدمها ” اللى كتبتها من شوية فى الورقة اللى معاك ” بس هتحتج تعيد صياغتها بشكل جذاب و تشرح اكتر للعميل انت هتقدم .. خليك واضح و بسيط

3- متستعجلش .. اول order مش هيجيلك بعد دقيقة  و احنا معاك طول الطريق و هنعلمك ازاي تحقق مبيعات اعلي

لازم تبقي عارف :

1- ان مواقع الخدمات المصغرة بتاخد منك نسبة 20% مقابل قيامها بدور الوسيط بينك كبائع و بين المشتري يعني لو بعت ب 5$ اصلافي هيكون 4$ .. و لو الخدمة ب 25$ ؟ تمام .. يبقي 20$

2- هتستلم الفلوس ازاى ؟ عن طريق بنك ال Paypal .. مش عاوزك تشغل بالك و لا تسبق الاحداث بس كل اللى اقدر اقولهولك انك هتستلم الفلوس فى ايدك ” مرتبك ” و تصرفه كيفما شئت

مش معقول من اول يوم هتقعد تسأل اللي فى الشركة ازاى هقبض فلوسي .. و هفكرك تاني و احنا معاك طول الطريق لحد ما توصل

2

الصورة دي بتلخص حاجات كتير حابين نتكلم عنها النهاردة بخصوص الـ ” Freelancing ” .. و مش معني انها بتلخص كلامنا .. انه هيبقي ليها علاقة بأن #مفيش_شغل ف تنزل تبيع برتقان #بالذمة_ده_حل ^_^

كلامنا النهاردة عن العقبة اللى هيقف عندها اغلبنا و مش هيكملوا الطريق .. بعد ما عملوا account على منصة من منصات العمل الحر .. و لتكن “خمسات” اللى تطرقنا ليها فى مقالنا الاول .. بتبدأ حالة اليأس لان مفيش حد بيطلب خدماتهم

ازاى تبيع اول خدمة ؟ و ازاى تزود مبيعاتك $$ ؟

قبل اي حاجة :

1- لازم تبقي مقتنع ان دة رزقك اللى ربنا قدرهولك .. يعني مفيش دولار هيضيع منك و لا دولار زيادة هيدخل جيبك .. كل المطلوب انك ” تسعي صح ” .. وتسعي صح ازاي ؟ .. فـ دي الخبرة اللى بتكتسبها مع الوقت و اللى هنقدمهالك النهاردة بشكل مبسط عشان تختصر على نفسك مشوار طويل

2- كمان لازم تبقي فاهم ان .. مفيش حاجة اسمها اربح من على الانترنت !! او دوس هنا عشان تاخد فلوس !!

انما فى حاجة اسمها ” شغل ” زي اي شغل .. الفرق انك حر .. و شغلك معاك فى اى مكان ووقت ما تحب .. و كل ما التزمت فى شغلك اكتر كل ما دخلك $$ زاد .. و فرصك بقت اكتر

3- الكلام دة مش تجربة هتصيب او هتخيب !! شباب كتير قبلك جربوا و دة بقي مصدر دخلهم .. كل اللي عليك انك تبدأ #مستعد ؟!

نرجع للصورة تاني و تعالوا نركز ف شوية حاجات كده :

أ‌- البرتقان دة منور .. تعالي نجيب 5 كيلو للعيال

هو دة اللي بيحصل فى السوق بالظبط .. اكتر من بياع .. لكن واحد فيهم بضاعتة نضيفة و عارضها صح .. ف تلاقي ستات البيوت كلهم رايحين علية

انت كمان لما تيجي تقدم خدمة هتلاقي غيرك كتير بيقدموا نفس الخدمة .. المهم انك تعرضها صح ؟

بداية من صورة الخدمة : لازم تكون جودتها عالية .. و بتعبر عن خدمتك و يفضل يكون مكتوب عليها وصف مختصر و يا حبذا لو عليها معلومات عن اعمالك السابقة ” إن وجدت “.. و دي بيكون مقاسها 680×400

** من فين تجيب صور جودتها عالية و حقوق استخدامها التجارية متاحة مجاناً ؟ تقدر تستخدمhttp://allthefreestock.com .. دة محرك بحث فى كل موافع ال Stock Images المجانية .

و ياسلام لو تقدر تعمل فيديو تشرح فية خدمتك و مميزاتها اللى هتديك أولوية عن غيرك ..

لحد ما توصل لوصف الخدمة و الكلام اللى هتكتبة .. لازم يكون منسق و مترتب صح زي البرتقان كده عشان العميل يعرف ينقي و يشتري

فـ البداية لازم تقدم له وصف مختصر بطريقة تسويقية للخدمة ” تعالي يا استاذة برتقان سكري من بتاع زمان “..

ثانياً تعريف بنفسك عن طريق اعمالك و دي الجزئية اللي هتخلي العميل يطمن ان الجزء الاول من الكلام مش كلام اعلانات ” اتفضلي دوقي بنفسك يا استاذة ”

و اخيراً لازم تشرحلة اية اللي هيحصل لما يشتري .. تعرفة انه هيبعتلك البيانات الفلانية و انت هتبدأ شغل و بعدين هتاخد رأية و هكذا

دة اللي هيحول الاطمئنان لقرار شراء مباشرة 

ب‌- حط البرتقان فى شنطة الاول

هيبقي اية شعورك لما تقول ل بياع عاوز 5 كيلو برتقان و يقولك 15 جنية يا أستاذ قبل ما يوزنهم حتي !!

عشان كده.. لازم تخلص شغلك و تتأكد ان العميل راضي عن الشغل .. و لو فى اعترضات حاول تقدملة تعديلات قبل ما تسلم الخدمة و متقلقش على فلوسك .. منصات الخدمات المصغرة زي “خمسات” بتقوم بدور الوسيط الحيادي يعني حقك و حق عميلك مضمونيين .

لية تتعب نفسك و ترضي العميل و تشتغل على التعديلات ؟!

لان دة حقه عليك  و بما انك بتراعي ربنا و حقوق الآخرين .. ف العميل هيحس ده و هيرجع يشتري منك تاني بدون تردد لو احتاج الخدمة .. الاهم انك هيديك ” تقييم ايجابي ” .. و دة اللى هيخلي العملاء اللى بعده يشتروا منك وهم مغمضين ” لانك حد ثقة ” و من هنا تبدأ تبني سمعة و شهرة ” فاكر الجزئية دي .. ارجع للمقال الاول لو مش فاكر اهميتها ”

ج- حضرتك فكهاني و لا بياع برتقان

يعني الناس تقول عليك فكهاني كويس و سكان الشارع يتعاملوا معاك !! و لا الناس تقول : ان عندك برتقان مش عند اي حد .. و العملاء بتوعك يبقوا من كل حتة

صراحة مفيش اجابة اصح من التانية .. المسألة كلها مرتبطة بفكرة تخصصك فى مجال محدد .. و ليكن ” تصميم الشعارات Logos Design ” .. أو .. تقديمك لاكتر من خدمة ملهمش علاقة ببعض

لكن بناء على تجربة الكثيرين ف ” التخصص” افضل على المدي البعيد .. لانك بتبني قاعدة من العملاء الثابتين و بيبقي فيهم نسبة كبيرة من الشركات بجانب الافراد اللى بيعتمدوا عليك كـ موظف بشكل غير مباشر فى تخصصك

لو بصيت فى الصورة هتلاقيه عارض مع البرتقان .. يوسفي ” يوستفاندي ” 

ياتري احتمالية انك تشتري ” يوستفاندي ” مع البرتقان اكبر .. و لا انك تشتري ” تفاح ” مع البرتقان اكبر ؟!!

ببساطة الاتنين بيكملوا بعض .. و الاتنين مرتبطين بالشتا و بالسقعة … طيب اية رأيك ان بردو الخدمات في منها المترابط !

يعني دلوقتى انت بتقدم خدمة تصميم شعارات Logos .. فى بالك كده اللي اشتري منك logo جديد هيحتاج اية معاه ؟!!

بالظبط كده .. هيحتاج يصمم ( كارت شخصي .. هيحتاج يصمم ID’s للموظفين .. هيحتاج يصمم بروشور او فلاير .. )

طيب بفرض انك عارض خدمة ” ترجمة ” !!!!!! اية احتمال ان نفس العميل يشتريها منك ؟

احنا لية بنتكلم عن نفس العميل ؟ لانك ببساطة كسبت ثقتة و مش هيبقي متردد ف انه يشتري منك تاني ” زودت مبيعاتك $$ ” و يديك تقييمات ايجابية على خدمات اكتر ” عملاء اكتر مع الوقت ”

د- قشر له يوستفانديايه

الخدمات المترابطة اللى اتكلمنا عنها فى النقطة اللى فاتت .. ممكن ميكنش عميلك محتاجها حالياً | او | معندهوش فكرة انك بتقدمها .. عشان كده ممكن بعد ما تخلص شغلك تعرضها عليهة بشكل بسيط و يا سلام لو تديلوا مع العرض دة واحدة من الخدمات دي هدية .. بعيداً عن انهم زي ما بيقولوا ف علم التسويق ” هتتخطي توقعاته ” او بمعني تاني هتبسطة  .. انت هتخلق عنده قرار بالشراء .. حتي لو مكنش محتاجهم حالياً

هـ – ال 3 ب 10 يا برتقان

خلصت الشغل اللي وراك ؟؟ طيب فى شغل تاني بسيط .. لازم تقوم تسوق لنفسك و تعرفك اللى حواليك بخدماتك

متكتفيش بالعملاء اللى بيجولك بشكل مباشر من منصات العمل الحر .. اسعي انك تجيب عملاء اكتر .. و بالطبع اقصر الطرق و ابسطها ال Social Networks .. الفيس بوك و تويتر .. تقدر تستغلهم فى نشر لنكات و معلومات عن خدماتك

احنا كده خلصنا كلام عن خدمتك و عن ازاي تعرضها بذكاء عشان تحقق مبيعات .. الكلام اللى جاي بعد كده هيبقي خاص بيك انت .. لانه علي الرغم من انك اتعلمت السواقة الا انك لسه مجربتش تسوق وسط عربيات و الطريق طويل .. لكن لا تقلق احنا مكملين معاك لحد ما توصل ان شاء الله

3

مبروك حضرتك بقيت صاحب شركة صغيرة ^_^ .. متستغربش بمجرد بدايتك الشغل ك Freelancer انت بقيت صاحب شركة صغيرة ! بمعني انك بقيت بتمثل رئيس مجلس الأدارة و Head فريق التسويق بالاضافة لكونك بقيت مدير الحسابات .. طبعاً بجانب انك الموظف الوحيد فى الشركة .. #الحرية اللى اتكلمنا عنها فى المقال الاول مش بالساهل : http://mshmshvalley.com/freelancing-1/

لكن متقلقش احنا حلينا دة كله فى المقال الثاني بكشل مبسط لتوضيح الفكرة العامة :http://mshmshvalley.com/freelancing-2/

و كان هدفنا قياس نسبة التفاعل و الاستجابة اللي وصلت 65% تقريباً .. لتحديد اولويتنا اثناء كتابة المقالات اللي جاية من سلسلة العمل الحر .. عشان كدة المقال دة هيكون عن أهم نقطة و اللي هيتوقف عليها نجاح شغلك كـ Freelancer ” شركتك الصغيرة  ” و استمراره … #التسويق ..

فى نفس الوقت ال 35% من الشباب اللى واجتهم مشاكل تقنية بعد المقال الأول .. كـ الأشتراك و اضافة الخدمات علي منصة العمل الحر .. كمثال : “خمسات ” .. #استعدوا هنقدم لكم شرح مبسط من البداية فى المقال القادم 

** التسويق **

كلامنا عن التسويق النهاردة هينقسم لجزئين :

1- التسويق لخدماتك داخل منصات العمل الحر

2- التسويق لخدماتك خارج منصات العمل الحر

و في كلا الحالتين هدفنا هيكون ان العميل هو اللي يدور عليك مش انك انت اللى تفضل تدور علية !! بمعني ان مجهودك ووقتك اللى هتستثمرهم فى التسويق هيفضل اثرهم مستمر و فى ازدياد مع مرور الوقت .. مش آثر لحظي ” عميل او اكتر ” يشتروا منك بعدين تقعد من غير شغل !

1- التسويق لخدماتك داخل منصات العمل الحر

الجزء دة من التسويق بيتلخص فى فكرة ظهورك بشكل مميز و بارز وسط باقي مستخدمى منصة العمل الحر و اللى تمت تغطيتة في صورة النصائح اللى كانت موجودة بالمقال الثاني : http://mshmshvalley.com/freelancing-2

و اللي بالأضافة ليها لازم تهتم ب ” كلمات البحث ” Tags = ” الكلمات الدلالية ” اثناء اضافتك للخدمة .. لان ببساطة دي الكلمات اللى العملاء بيوصلوا بيها للخدمات عن طريق استخدام البحث | Search فى منصات العمل الحر

كمثال : بفرض انك بتقدم خدمة بعنوان ” تصميم شعار احترافي ب 5$ ”

كلمات البحث الخاصة بيك و اللى متوقع ان العملاء هيكونوا بيدوروا عليها لو محتاجين خدمتك : ” تصميم شعار , تصميم شعارات , تصميم Logo , مصمم شعارات , لوجو ”

ملحوظة : بين كل كلمة بحث و الكلمة التانية لازم تفصل بعلامة ( ___ , ___ )

____

كمان لو خدت بالك و احنا بنعرفكم بمنصة العمل الحر “خمسات” .. http://khamsat.com/ اتكلمنا عن كونك وسط 300.000 مستخدم عربي بيخلقك سوق واسع تقدر تبيع فية .. لكن دة ميمنعش ان ال300.000 فيهم منافسين ليك ف لازم تتميز عنهم .. عن طريق :

أ‌- المنافسة فى السعر ” بمعني انك ممكن تقدم ضعف الخدمة اللى بيقدمها منافسك بنفسه سعر .. كمثال : ترجمة 500 كلمة ب 5$ فى حين ان باقي المستخدمين بيقدموا 250 كلمة ب 5$ ”

لكن انتبة فى المقام الاول للجودة اللي هتقدم بيها خدمتك .. يعني الضعف دة مش قانون ثابت .. يعني ممكن تقدم الخدمة قى المثال السابق ” ترجمة 300 كلمة ب 5$ ”

ب‌- المنافسة فى سرعة التنفيذ ” بمعني انك ممكن تثبت السعر مع منافسينك عشان متكلفش نفسك خساير .. لكن تنافس فى مدة التنفيذ و ليكن 3 ايام بدل 5 .. و بالتأكيد لازم تاخد فى اعتبارك .. تسليم الخدمة بأعلي جودة .

2- التسويق لخدماتك خارج منصات العمل الحر

فعلياً دة الجزء الاهم من التسويق .. لانة بيمثل حوالي 60% من المبيعات اللي ممكن توصلها .. بالاضافة لانة بيأثر ايجابياً على التسويق الداخلي و زيادة المبيعات عن طريقة هو الآخر

و دة هيكون عن طريق :

أ‌- مواقع التواصل الأجتماعي زي ( Facebook – Twitter – linkedin )

ب‌- مدونة شخصية Blog خاصة بيك

و سواء اخترت تستغل الوسيلتين او واحدة منهم بس ! لازم تبقي عارف انك عشان تحقق نتائج ف الموضوع اكبر بكتير من انك تعمل Share ل link خدمتك .. او مجرد تعرض الخدمة و تطلب من متابعينك شرائها

الموضوع محتاج انك تضيف قيمة ” فائدة ” للمهتمين بخدمتك ..

ازاى ؟!

بمعني انك لازم تكتب محتوي لية علاقة بخدمتك .. يعني تتكلم عن ” تصميم الشعارات ” مثلاً .. و اهم حاجة انك تراعي ان النقطة الفرعية اللى هتتكلم عنها تكون هي اللى تهم العملاء اللي محتاجين يشتروا الخدمة دي

يعني كمثال تكتب محتوي لية علاقة بـ ” اهمية الشعار و تصميمة فى نجاح الشركة ” او محتوي عن ” متوسط اسعار تصميم الشعارت فى الوطن العربي ” و فى المحتوي تعرض على الزائر شراء خدمتك 

كمان :

1- أحكي لمتابعينك عن قصص نجاح عملائك و تجاربهم و أرائهم بعد شراء خدماتك

2- كمان ممكن تحكيلهم عن نجاحاتك و انجازاتك الشخصية ” كمثال : انك خلال شهر ديسمبر 2014 .. صممت و بعت 50 شعار ”

3- تقدر تعمل معرض اعمال خاص بيك .. تعرض فية عملائك و انجازاتك

4- تقدر تقدم شرح مطول عن خدمتك و عن الفوايد اللي هتعود على العميل لما يشتريها .. و تعرفهم اكتر بمهاراتك و اللى يأهلك انك تكون محل ثقتهم

5- تقدر تقدم هدايا و تسوق ليها ك نوع من جذب عملاء متوقعين ” كمثال : تصميم شعار احترافي لاول 3 عملاء مجاناً بمناسبة السنة الجديدة ” و هتكون اضافة بالتالي لمعرض اعمالك

و بكده تبقي تخطيت حدود تواجدك على منصات العمل الحر و حولت نفسك لمنتج ” Personal Brand ” المهتمين بية هم اللي بيدوروا عليك مش انت اللي بتدور عليهم

لكن فى شوية ملحوظات ضروري تاخد بالك منها :

1- بخصوص المدونة ف مش شرط تكلف نفسك من البداية تكاليف مدونة مدفوعة و تقدر تعتمد على مجانية زي Blogger و WordPress

2- بخصوص مواقع التواصل الاجتماعي :

أ‌- يفضل انك تعمل صفحة | Page خاصة بشغلك على Facebook و متستخدمش الاكونت الشخصي الخاص بيك

ب‌- مهم جداً انك تتواصل و تجاوب على اسألة متابعينك على مواقع التواصل الاجتماعي .. متعرفش مين ممكن يبقي عميل محتمل و السؤال دة متوقف على قرار الشراء

و بالأخص تواصل دائم مع عملائك السابقين .. دة هيديك فرصة اكبر انهم يعرفوا جديدك و يطلبوا خدماتك تاني .__

بالأضافة لمدونتك الشخصية و مواقع التواصل الاجتامعي .. تقدر تستفيد من ” المنتديات ” اللى بتقدم أقسام تجارية ليها علاقة بال social Media و ال Graphic Design و ال Web Developing

من أشهر المنتديات العربية اللى بتتيح الجزئية دي ” ترايدنت | traidnt.net ” .. و افضل طريقة لعرض خدماتك .. هي كتابة مضوع خاص بأعمالك السابقة و بنهايتة تعرض على القراء شراء خدمتك عبر منصة العمل الحر و لتكن ” خمسات ” على سبيل المثال

“ترايدنت” ماهو الا مثال خاص بالجزء اللي فات .. انت تقدر تستغل باقي المنتديات و اللى بتمثل تجمعات لعملائك المستهدفين ” منتديات الترجمة وتعليم الفوتوشوب أو تعليم اللغات الاجنبية ” و اللي هتكون انسب من ترايدنت.

4

على الرغم من ان الموضوع ظاهرياً .. مفيش أسهل منة بعد ما اتكلمنا فى المقال السابق عن نقطة التسويق .. الا ان مميزات العمل الحر #Freelancing .. بالتأكيد فى الجهة الاخري مقابلها عيوب !!

العيوب دي مش هتوقفك لكنها هتأخر تقدمك .. و فى مقالنا النهاردة هنسلط عليها الضوء كنصائح لادارة شركتك الصغيرة ” عملك كـ Freelancer ” بنجاح

1- مرتبك بالدولار .. وكل ما اشتغلت اكتر كل ما قبضت أكتر

لكن احياناً .. ممكن يظهر منافس ليك .. او تكون الخدمة اللى بتقدمها موسمية .. وفى الحالة دي .. الطلب على خدماتك هيقل .. و دخلك هيكون أقل !!

دي فى حد ذاتها مش مشكلة لو معلوماتك كويسة عن Personal Finance ” اداردة مواردك المالية ” .. بمعني انك تخصص مصروفات لاحتياجاتك .. و جزء توفره كمدخرات ليك .. و جزء تعيد استثمارة فى تحسين خدماتك و التسويق ليها .. و ال 3 تقسيمات دول هتحسبهم بناءً على متوسط دخلك .. و الزيادة عن المتوسط بتدخل فى المدخرات .. و النقص بيتم تعويضة ايضاً من المدخرات 

و لتفادي الوقوع فى تلك النقطة حاول تنويع خدماتك المعروضة على “خمسات” http://khamsat.com و لا تكتفي بخدمة واحدة .

2- متهدمش كل اللي بنيته

شركات كتير بتتوصف انها سيئة على الرغم من جودة خدمتها .. ودة لان مستوي خدمة العملاء الخاص بيهم متدني .. و خدمات ما بعد البيع تكاد تكون معدومة ..

يعني اية ؟ بما اننا بتعامل مع نفسنا كـ Freelancers زي ما اتفقنا ك شركات صغيرة .. ف هنفترض انك قمت بدور التسويق صح .. و قدمت للعميل اللى طلب الخدمة على اكمل وجة ! لكن بعد 3 اسابيع حصلت معاه مشكلة و بعتلك رسالة انت مردتش عليها .. !! طيب تخيل انه احتاج تعديل مدفوع و طلب منك و انت مردتش بردو ! متخيل الخساير المادية و الخسارة الاكبر ثقة العميل 

عشان كده لازم تخصص جزء من وقتك لمراجعة الطلبات القديمة و المنتهية بشكل يومي ..

كمان لازم تخصص جزء من تفكيرك لتقديم هدايا دورية لعملائك المميزين .. و متترددش في تقديم هدية لعميل لمجرد انه طلبها منك

3- وقتك مش ببلاش

الكلام اللى جاي غريب نوعاً ما عن ثقافة مجتمعنا .. فكرة ادارة الوقت و عمل جدول للمهام المطلوبة مش من عادتنا اليومية

لكن بما انك بدأت الشغل ك Freelancer .. ففكرة تنظيم مواعيد عملك و اوقات استراحتك هتزود انتاجيتك و هتقدر تشتغل ال 7 ايام فى الاسبوع بدون ما تحتاج اجازة .. و بالتالي هتلاحظ دة فى زيادة دخلك $$

لو لاحظت مدة التسليم : أسبوع ” 7 أيام ” و اللى بتسمحلك انك تشتغل بحرية اكتر بعيد عن الضغط .. و النتيجة 101 تقييم ايجابي  .. و بالتالي هتضمن ثقة عملاء جدد مستقبلاً

كمان دة هيساعدك انك متتحولش لـ “كائن بيتي” .. و تخسر علاقاتك الاجتماعية بسبب تراكم الشغل عليك ..

نيجي للتطبيق بعيداً عن الكلام النظري .. ادارة وقتك و عمل جدول مهام .. مهمة سهلة لكن محتاجة انك تحافظ على

أ‌- جدول المهام ديماً قصاد عينيك فى ورقة مش فى ملف Word و تنساه !

ب‌- المتوسط الطبيعي لساعات العمل من 6 لـ 10 ساعات | و متوسط عدد ساعات النوم من 6 لـ 8 | هيتبقي متوسط 8 ساعات للراحة و العبادات و الغداء و ممارسة حياتك الاجتماعية بشكل طبيعي

ج‌- الساعات الخاصة بالعمل هتحتاج فيها لتوزيع مهامك بداية من ” الأهم ” الي ” الاقل اهمية ” مع الوقت المتوقع لانتهاء كل مهمة منهم

د‌- اخيراً دة جدول مهماتك انت مش جدول مهمات سوبر مان ! خلية مختصر و منطقي بحيث متأجلش اي حاجة ليوم تانى .. و اللى بدورها هتصيبك بنوع من انواع قلة التنظيم و قلة الانتاجية

4- متتكسفش من كلمة “لأ”

بما اننا وصلنا لنقطة ” تراكم الشغل ” و تقديم هدية لعميل لمجرد انه طلبها منك ” .. فـ دة هيتطلب اننا نفكرك ان كلمة ” لأ ” مش عيب ..

بمعني .. ان لو حصل ضغط طلبات عليك .. و انت مش هتقدر تنجزها فى الوقت اللى انت محددة .. فممكن تبلغ العميل انك هتتأخر او انه يقدر يلغي الخدمة و يطلبها منك وقت تاني

فى المقابل :

عشان تضمن ان الخدمات التانية تتسلم بأعلى جودة و فى الوقت المحدد .. كمان انك تضمن حق نفسك من الراحة اللى هتساعدك تقدم شغل مظبوط تانى يوم .. و حقك فى الحياة الاجتماعية اللى مش هتعيشها اثناء ساعات شغلك ك Freelancer

اما بخصوص تقديم الهدايا .. ف دة هيظل فى ايطار انك متتحملش مجهود او تكلفة فوق طاقتك .. و تقدر تبلغ العميل بكل بساطة فى حالة انه طلبها كهدية ان الجزء دة هيكلفكذا $$ .. و ممكن كـ حل تقدم له تخفيض جزئي ” خصم ”

5-أدرس السوق

دراسة السوق بمعني الاستفادة من آراء العملاء و طلباتهم .. وتطبيق الدروس المستفادة مع العملاء الجدد .. و تطوير نفسك بشكل مستمر و عدم الاكتفاء بمهاراتك الحالية .. او الـ Softwares اللي بتستخدمها,كمان دراسة السوق بتطلب منك دراسة منافسيك ..

كل دة هيساعدك فى :

1- نقطة ” التسعير : وضع سعر مناسب للخدمة اللى بتقدمها ” + ” مدة التنفيذ ”

2- كمان هيساعدك انك تتفادي الهبوط المفاجيء في المبيعات اللي ناقشناه فى اول نقطة بمقالنا النهاردة

6-هتستقبل عملائك فى الكركبة دي !

هو فعلياً محدش من عملائك هيشوف الكركبة اللى حوليك دي .. بس هتبان فى شغلك !! متستغربش الكركبة اللى على مكتبك دي هي نفس الكركبة اللى هتبقي شاغلة عقلك زي ما بيقولوا فى بريطانيا ” Clear Your Desk, Clear Your Mind ” .. عشان كده حاول ديماً تخلي مكتبك منظم و فاضي على اد ما تقدر.. حاول تخلي جنبك stick notes ” ورق الملاحظات الاصفر .. اللى ممكن تلزقة ” عشان تسجل علية اي مهام اضافية ظهرتلك اثناء شغلك و مكنش معمول حسابها فى جدول مهامك

5

طبعاً اغلبكم ميعرفش مين دة .. بس اغلبكم يعرف يحسب ان 12000 دولار × 7 = 84000 الف جنية مصري .. دي ارباح ” محمد أنس ” من شغلة ك Freelancer على “خمسات”

http://www.khamsat.com

.. واللى بينطبق علية الكلام اللي بدانا بية اول مقالة : انك ممكن بتشتغل الحاجة اللى انت بتحبها .. و مش مطلوب منك شهادة تخرج و لا 5 سنين خبرة و لا سن معين عشان تثبت انك جدير بالشغل دة .. و انك ليك الحرية الكاملة فى اختيار الوقت اللى حابب تشتغل فية ! ومش مطالب انك تصحي فى وقت معين او تروح فى وقت معين .. لأ و اية كمان انت اللي بتحدد مرتبك .

المقال دة تكملة ل 4 مقالات بدأنا فيها عن ال Freelancing وقدمنا كل اللى ممكن تحتاجة عشان تقدر تحقق نجاح مماثل ل ” محمد أنس ” و افضل $_$ .. و فى حالة انك مقرأتش ال 4 مقالات اللي فاتوا #لا_تقلق تابع مقال النهاردة عادي جداً و هتلاقي باقي المقالات فى الآخر ..

النهاردة تركيزنا هيكون على الجزء التطبيقي على موقع خمسات ” لكونه أفضل منصة عمل حر .. يعني ال English مش هيبقي عقبة بالنسبة ليك ” ..

بداية من : 1- ” الأشتراك فى خمسات “

هتدخل على موقع “خمسات”

هتختار ” سجل مجاناً ”

بعد كده هتبدأ تدخل معلوماتك ..

نصيحة :

– أسم المستخدم من المفضل انه يكون أسمك الحقيقي أو اسم نشاطك يعني كمثال ” Mohamed Nagy ” او ” mn studio ” لكن أبعد كل البعد عن الأسماء الوهمية .. دي بتضعف ثقة العملاء فيك و بتخليهم يترددوا في قرار الشراء منك .

– كلمة المرور “Password ” للأمان يفضل ان يكون خليط حروف و ارقام مع علامات .. مثال ” mn#6546541 ”

بعد كده هتدوس “تسجيل” و هتوصلك رسالة تأكيد اشتراك عبر الايميل .. هتفتحها و تدخل على ال Link اللي فيها

مبروك .. بقي عندك حساب على موقع خمسات جاهز للشغل .. بس فى شوية حاجات محتاجة تتظبط كتطبيق للنصايح اللي اتكلمنا عليها فى المقالات السابقة ..

حالياً صورة حسابك هتبقي بالشكل دة ..

وضروري جداً تغيرها لصورة شخصية او صورة خاصة بنشاطك زي ما اتفقنا .. دة بيدي مقدار من الثقة لعملائك المحتملين عشان ياخدوا قرار الشراء ..

كل اللى عليك انك تدخل على موقع Gravatar و تعمل اكونت بنفس الايميل اللى اشتركت بية فى خمسات و ترفع صورتك اللي حابب انها تظهر على خمسات

https://en.gravatar.com/

دلوقتى حضرتك جاهز تضيف اول خدمة ليك .. بمجرد ما تقف على اسم حسابك .. هتظهرلك قائمة .. هتختار منها ” خدمة جديدة ”

هتبدأ تضيف خدمتك و تهتم جداً بكل النصايح اللي قدمناها فى المقال الثاني :http://mshmshvalley.com/freelancing-2/

بالاضافة للنصائح الموجودة بالمقال الثاني .. خليك حريص انك تختار ” تصنيف” مناسب و دقيق لخدمتك .. و دة اللى بدورة هيسيهل وصول العملاء ليك

و اللي بالأضافة ليها لازم تهتم ب ” الكلمات المفتاحية ” و اللى اتكلمنا عن اهميتها فى التسويق ليك فى المقال الثالث : http://mshmshvalley.com/freelancing-3/

..

– بعد اضافة الخدمة هتراجعها الادارة و تتواصل معاك فى حالة وجود اي مشكلة لكي تقوم بحلها عن طريق ” التنبيهات ”

– طيب بفرض تم رفض خدمتك ؟

عادي جداً :

1- هتلاقي رسالة وصلتك على الايميل .. راجعها كويس و حاول تحل النقط اللى تم رفض الخدمة بسببها

2- دور على خدمات مشابهة لخدمتك و شوف طريقة عرضهم للخدمة .. أفهم وطبق مش Copy و Paste ^_^

3- قبل ما تبدأ فى نشر خدماتك .. حاول تقرأ شروط استخدام وسياسات الموقع جيدا

– فى حالة وجود عميل يرغب فى اى استفسار قبل شراء الخدمة ستجد منه رسالة فى ” الرسائل ” ..

– عندما يقوم العميل بشراء خدمة من خدماتك ستجدها فى ” طلبات واردة ”

– بعد الانتهاء من تنفيذك الخدمة على أكمل وجة .. بأمكانك تحديد اختيار “تم الإنتهاء من العمل المطلوب” لتصلك ارباحك من بيع الخدمة 4$

- طيب بفرض ان مفيش طلبات جتلك بعد أشتراكك فى خمسات ؟

– متيأسش دة امر طبيعي .. ديماً العملاء بيميلوا انهم يشتروا من حد معروف و باع قبل كده .. لكن انت لو اشتغلت على عرض خدمتك بشكل سليم و نافست فى السعر و الكمية .. بعض العملاء هيخاطروا و يجربوا .. و بعدها العملاء اللي كانوا قلقانين هيشتروا منك ” راجع المقال ال 3 للنصائح التسويقية داخل و خارج خمسات ”

و دة هياخدنا للجزء اللي شاغل بال أغلبكم ” الرصيد ” .. ازاى اسحب فلوسي ؟ .. ازاى استلم فلوسي ف أيدي ؟

#لا_تقلق هقولك .. بس لازم تبقي عارف اولاً ال 4$ اللى حققتهم بيتعلقوا لمدة 14 يوم قبل أن تتمكن من سحبهم حفاظاً على حقوق كل الاطراف .. و ان اقل ممبلغ ممكن تسحبة هو 10$ عن طريق ال Paypal

و نيجي لنقطة ال Paypal و اللي تعتبر عقبة بالنسبة لناس كتير ..

Paypal دة بنك اليكتروني .. بمعني انه بيتيحلك انك تستلم و تبعت فلوس ع الانترنت بشكل امن ” المحفظة بتاعتك ع النت ” .. و الاشتراك فية أسهل ما يمكن ..

http://www.paypal.com

– ازاى تسحب فلوسك ل كاش ف ايدك من Paypal ؟

– هتحتاج فى المرحلة دي لربط حساب ال Paypal الخاص بيك .. بحساب بنكي فى دولتك و يفضل ان تكون مدعومة من Paypal

–

– طيب بفرض ان ده حل معقد بالنسبة ليك ياتري فى بدائل تانية ؟

فعلياً انت تقدر تستلم فلوسك مباشرة من خمسات عن طريق شراء خدمات “وسيط” .. بيقدم تحويل رصيدك لحوالة بريدية او لبطاقة فودافون كاش ” للمصريين ” كمثال .. لكن .. بالتأكيد هيبقي فى عمولة للوسيط

..

أطمأنيت على ال $$ .. ^_^ نيجي لنقطة مهمة كنا اتكلمنا عنها فى المقال التالت كنوع من التسويق انك تضيف اعمالك ل ” نماذج الأعمال ” ب ” مجتمع خمسات ” .. تقدر توصلة من هنا :https://khamsat.com/community

بكده نكون خلصنا الجزء الاول من سلسلة المقالات ( 5 مقالات ) أي أسألة او أستفسارات متترددوش احنا مكملين معاكم .. و استنونا قريب جداً فى #الجزء_الثاني من سلسلة المقالات بمفهوم أوسع للعمل الحر ” Freelancing ” ..

6

ال Hashtags اللي أستخدمناها الاسابيع اللي فاتت زي #مفيش_شغل و #متستناش_الوظيفة .. مش مجرد Hashtags دي واحدة من الحلول البديلة اللي بيقدمها المجتمع الموازي ( وادي المشمش ) .. لمشكلة البطالة اللى فى مجتمعنا .. اتكلما عن ال Freelancing و مكملين كلام .. لكن النهاردة هنعرفكم 10 نصائح تهمك لو هتبدأ Home Based Business ( بيزنس من البيت | مشروع صغير من البيت )

ودة هيكون الحل التاني اللى هنبدأ فى تقديمة وشرحة بداية من 8/1/2015 ان شاء الله ..

1. مهم جدا انك تحافظ علي ساعات عملك العاديه وتلتزم بيها.

2. كمان من الاساسيات ان يكون عندك رقم تليفون خاص بس بالشغل، والكمبيوتر والطابعة اللي بتستعملهم بس للشغل.

3. انك تحافظ علي مساحه العمل الخاصه بيك وما تخلطش بينها وبين حياتك الشخصيه ,وعشان تباه مثالي اوي بأه يا ريت يكون شغلك علي مستوي تركيزك السمعي والبصري منفصل عن أماكن المعيشة.

4. وطبعا علشان تقيس النجاح اللي حققته خلال الفتره اللي فاتت وتحافظ علي الاهداف اللي حاططها وتنفذ قائمه مهامك, الأحد بالليل أو يوم الاثنين الصبح ابدأ في وضع خطة للأسبوع. وفي اخر المده دي اللي انت محددها لنفسك خد شويه وقت عشان تقيس التقدم اللي انت وصلتله خلال الفتره اللي فاتت.

5. دور علي مستقلين تانيين كأصدقاء ليك أو مدرب شخصي علشان يزودوك بردود افعالهم على أفكارك وتقدمك.

6. إذا كنت شغال مع فريق، ف المكالمات التليفونيه والبريد الإلكتروني هيكونوا وسائل دايمه للتواصل مع أعضاء الفريق.

7. مهم اوووي انك توثق شغلك وتتعلم كمان انك تعمل كده اوتوماتيك.

8.كل ما تلاقي فرصه كويسه انك تتطلب ردود افعال دايما من العملا والمديرين ده طبعا اذا كنت متاكد انك بتلبي احتياجاتهم دايما. اتاكد ان من غير اتصال يومي من الصعب قراءة الناس. بيعاني معظم الناس من انهم يردوا بردود افعال السلبية. وفي نهايه المشروع الناس دي ممكن تتقبل الموضوع عادي على الرغم من أنها بتحس بخيبة أمل مع النتيجة. وخليك فاكر ان ردود الافعال المستمره بتساعدك تتجنب المشكلة دي.

9. خدلك فترات راحة منتظمة خلال يومك. خليك مبدع في الطريقه اللي هتسترخي بيها. شويه تأمل، وكوبايه قهوة، وخد وجبة خفيفة، على فترات، دي شويه امثله عن الطرق اللي ممكن تستعيد بيها نشاطك.

10. شئ اساسي انك تحط حدود واضحة. للجيران، والأصحاب، والعيله كمان لازم الكل يعرف ان مكتبك خط احمر. حتى ولو كنت في البيت فكل يوم لازم تشتغل. خلي عندك سياسة عدم انقطاع او التوقف خلال ساعات العمل.